Anëtarët e bandës shqiptare që dyshohet se vranë një 23-vjeçar në Cardiff, Britani synonin t’i “jepnin një mësim” në vend që ta vrisnin, është thënë në Gjykatë.
Trupi i Tomasz Waga u gjet me lëndime të shumta në zonën Penylan të qytetit në janar 2021.
Prokurori Greg Bull KC tha: “Nuk kishte domosdoshmërisht një tentativë vrasje këtu, por kishte një qëllim për të bërë një dëm vërtet serioz për t’i dhënë atij një mësim dhe për të marrë sa më shumë informacion prej tij që të mundeshin në mënyrë që ata dhe shefat e tyre të mund t’i merrnin gjërat më seriozisht.
“Ata në fakt e rrëmbyen dhe e futën në makinën Mercedes,” tha ai.
Ai tha se qëllimi i tyre ishte ta merrnin në pyetje.
Trupi gjykues iu tha se të gjithë të pandehurit përveç Mario Qatos ikën në Shqipëri. Qato u arrestua më vonë pas ngjarjes.
Kur u arrestua, Bull tha se “ai gënjeu dhe tha se nuk kishte asnjë lidhje me krimin dhe se nuk kishte shkuar në 319 Newport Road”.
Katër të pandehurit e tjerë u arrestuan në Shqipëri dhe u ekstraduan në Britaninë e Madhe, shkruan media britanike.
Jurisë iu tha se provat mjeko-ligjore treguan se gjurmë gjaku u gjetën në një numër vendesh të lidhura me rastin.
Bull tha se jurisë do t’i shfaqen të dhënat telefonike të komunikimit midis të pandehurve.
Shqiptarët hoqën kartat e telefonit menjëherë pas vdekjes së Wagas.
“Ata njerëz nuk po dilnin për qejf, as për të bërë pazar. Ata po shkonin atje për një qëllim dhe ky qëllim ishte të mbronin një magazinë kanabisi,” u tha në Gjykatë.
