Doganierët grekë kanë paralajmëruar një grevë dy ditore me datët 2 dhe 3 prill. Kjo do të sjellë pengesa në kalimin e mallrave në pikat kufitare të vendit tonë me shtetin grek, konkretisht në Kapshticë dhe Kakavijë.
Raportohet nga ora 00:01 e datës 2 Prill, deri në orën 23:59 të datës 3 Prill do të ndërpritet qarkullimi për kamionët e mallrave në Pikën Kufitare të Kakavijës. Ndërkohë, në lidhje me makinat dhe autobusët që transportojnë pasagjerë mësohet se nuk do të ketë pengesë të kalimit në këto data.
