Të tjera detaje mësohen në lidhje me zbulimin e një grupi të dyshuar kriminal në Greqi. Mes anëtarëve të dyshuar të mafies është edhe Xhonatan Paja, një 26-vjeçar me origjinë nga Dimali.
Edhe pse Paja ndodhet në burg në Malin e Zi, si i dyshuar se ka dashur të vrasë një anëtar të mafies malazeze, ai në Greqi nuk ka dosje penale të rënda. Zyrtarisht, Paja në shtetin grek akuzohet vetëm për zjarrvënie, pavarësisht se dyshimet janë se ai merrej me aktivitet të mirfilltë kriminal.
Mediat greke shkruajnë se të dyshuar si autorë të vrasjes së mafiozëve grekë Janis Skaftouros, Vasilis Roumpetis dhe Dionisis Mouzakitis janë 7 persona, mes tyre edhe Paja.
Më datë 16.06.2023, 9 persona, të pajisur me armë të rënda dhe me jelek antiplumb, iu vunë flakën 23 makinerive për prodhimin e produkteve të duhanit. Ata iu vunë flakën edhe pajisjeve të tjera, duke shkaktuar një pasoja të mëdha materiale. Dëmi i shkaktuar kapte vlerën e 400 mijë eurove. Agresorët më pas i vunë flakën një prej makinave dhe më pas u larguan me automjetet e tyre.
Një prej makinave, autorët ia ndryshuan targat. Një prej mjeteve pësoi aksident pak kohë më vonë, teksa u detyruan që ta braktisin në rrugë. Makina ishte e dëmtuar. Brenda në mjet agjentët gjetën gjurmë të një gjeorgjiani dhe shqiptarit Xhonatan Paja. 29-vjeçari gjeorgjian dyshohet se është përfshirë dhe në një atentat, që është organizuar nga grupi. Duke qenë se ai po rezultonte i dyshuar për shumë çështje në Greqi e në Mal të Zi, autoritetet atje i kanë bërë kërkesë edhe Shqipërisë, që të bëhet kontroll banesës së tij në Dimal. Xhonatan Paja dyshohet se është pjesë e një grupi kriminal në Greqi, që ka vrarë mafiozë grekë.
