Kanë dalë pamjet nga automjetet e djegura nga biznesi i makinave me qera në Kamëz. Ngjarja ka ndodhur në rrugën “Donald Trump”, rreth orës 04:00. Deri tani pista e hetimit është konkurenca, pasi policia dyshon për zjarrvënie të qëllimshme.
Biznesi ishte hapur para 5 ditësh dhe është në pronësi të Edjon Hoxhës. Ky i fundit në deklaratën e tij për policinë është shprehur se nuk ka asnjë problem dhe konflikte me ndonjë njeri, apo biznes tjetër.
Në pamjet e kamerave të sigurisë në zonë, janë konstatuar 2 persona që në duar mbajnë shishe me lëndë djegëse. Dyshohet se ata janë futur brenda biznesit dhe i kanë vënë flakën makinave. Grupi hetimor pritet të zbardhë më shumë detaje mbi ngjarjen.
NJOFTIMI I POLICISË:
Kamëz/Informacion paraprak
Më datë 05.06.2024, rreth orës 04:00, në rrugën “Donald Trump”, Kamëz, ka rënë zjarr dhe janë djegur disa automjete, në një biznes për dhënien e automjeteve me qira.
Grupi hetimor po punon për sqarimin e rrethanave të ngjarjes.
