GREQI- Djali i kryebashkiakut të zgjedhur të Himarës Fredi Belerit, Petro ka zhvilluar në intervistë për mediat greke ditën e sotme ku ka folur në lidhje me arrestimin e të atiti. Duke folur të folur për median greke “Open TV” Petro Beleri u shpreh se babai i tij do të shpallet i pafajshëm.
Ai më tej ndau një mesazh duke theksuar domosdoshmërinë e mbrojtjes së demokracisë. Petro Beleri tha se seanca është shtyrë dhe seanca e Apelit pritet të zhvillohet në një kohë kur partia e Edi Ramës po qeveris “sipas dëshirës” në Himarë.
Ai shtoi se në shtator vlerëson se babai do të dalë nga burgu edhe pse, siç tha ai “nuk kemi asnjë shpresë në Shqipëri”.
“Babai im do të shpallet i pafajshëm solemnisht”, është shprehur Petro Beleri.
Lidhur me zgjedhjet e ardhshme evropiane, djali i Belerit tha se ka shumë shpresë dhe se kjo është një mundësi e mirë për të mbrojtur demokracinë dhe të drejtat e tij.
Intervista me video e Petro Belerit KËTU
Fredi Beleri i cili garoi nën siglën e koalicionit ‘Bashkë Fitojmë” në zgjedhjet lokale të 14 Majit u arrestua nga policia disa orë para zgjedhjeve pasi u kap duke bërë pazare me votat. Aktualisht Beleri është duke vuajtur dënimin 2 vite burg të dhënë nga Shkalla e Parë, nën akuzën për korrupsion në zgjedhje. Arrestimi dhe dënimi i tij me 2 vite burg solli reagime të ashpra nga palët greke, të cilat e quajtën vendimin e gjykatës skandaloz dhe jo në përputhje me ligjin. Politikanë të palëve greke kanë kërkuar disa herë lirimin e Belerit, ndërsa vënë në pikëpyetje edhe anëtarësimin e Shqipërisë në BE, duke thënë se “Rruga e Shqipërisë për në BE, kalon nga Greqia.”
