Alfred Peza numëron mbrapsht në ankth ditët e tij të fundit në drejtim të RTSH. Këshilli Drejtues vazhdon proçedurat për shkarkimin e tij. Hapi i radhës i Këshillit Drejtues, ka qenë ai i ndërmarrë nga Kryetari Leka Bungo në mbledhjen e Komisionit për Edukimin dhe Mjetet e Informimit. Në vazhdim të informimit në këtë komision, Kryetari Bungo ka nxjerrë në pah mosmarrëveshjet e Këshillit Drejtues me Drejtorin e Përgjithshëm.
Ai ka nënvizuar faktin që komisioni duhet të ndërhyjë sa më parë për të vendosur pikat mbi I në institucionin e Televizionit Publik Shqiptar. RTSH është zhytur në krizë të thellë, në radhë të parë për shkak të mungesës së vizionit drejtues të drejtorëve që ka sjellë Peza dhe së dyti për shkak të drejtimit autoritar të Alfred Pezës, që përveç mospërfilljes së punonjësve, ai nuk përfill as mendimet dhe vendimet e Këshillit Drejtues. Kapterit i duket vetja sikur televizionin e ka pronë të vetën dhe ka gjithë të drejtën:
-Të abuzojë me fondet publike të tij,
-Të shpërdorojë detyrën,
-Të punësojë staf të pakualifikuar,
-Të ofendojë punonjësit
-Të heqë nga puna personel pa arsye (ka hequr drejtorin e grafikës sepse nuk mbante shënim litrat e karburantit që harxhoheshin në Kukës)
-Tu japë kompetenca jashtë statusore të komanduarve nga jashtë në postet e drejtuesve
-Tu japë kompetenca çetës së tij analfabete
-Të realizojë blerje pa asnjë procedurë transparente
Por me kërkesë të Kryetarit të Këshillit Drejtues, Komisioni i Medias ka vendosur të shkojë në RTSH dhe të verifikojë gjendjen e krizës, ashtu siç edhe ata e përshkruan nga informacionet që morën nga kryetari i këshillit.
Por Komisioni i Medias, përveç fjalës së Kryetarit, kishte dhe informacione të mbërritura në këtë komision me anë të letrave që kanë çuar një pjesë e madhe e stafit të RTSH në formën e ankesave, në lidhje me situatën ku po e çon institucionin Kapterri arrogant me fasadë buzëqeshjeje false.
Gjithashtu Komisioni i Medias, i ka kërkuar Kryetarit Bungo një relacion të hollësishëm në lidhje me gjithë veprimtarinë e jashtëligjshme që po bën Alfred Peza në pozitën e Drejtorit të Përgjithshëm. Këshilli Drejtues është duke përgatitur me detaje raportin për Komisionin e Medias i cili do e kryqëzojë Pezën, të cilin nuk e mbështet më askush.
Nga të gjithë informacionet që vijnë nga kuvendi dhe parlamenti, personat që e njohin të gjithë Mister Milionshin, shprehen njëzëri se askush nuk gëzon respekt për Alfred Pezën. Ai cilësohet nga të gjithë ish kolegët si njeri i pabesë që nuk ka kurajo të përballet me askënd, por vetëm të godasë pas shpine.
Sfidohet publikisht të vërtetojë të kundërtën për këtë marrëdhënie dhe opinion me ish-kolegët e tij të cilët do i japin dorën e fundit rrëzimit të tij. Aq shumë është prishur imazhi i RTSH edhe në sytë e Komisionit të Medias, sa vetë anëtarët e këtij komisioni kanë kërkuar që të ndryshohet madje edhe ligji për Radiotelevizionin Publik dhe gjithashtu edhe statuti i tij, në mënyrë që persona si Alfred Peza mos shkelin më aty.
Z. Bungo e cilësoi mjaft kritike situatën në Televizionin Shqiptar dhe i kërkoi Komisionit të Medias të vijë sa më parë në RTSH dhe të njihet nga afër me situatën kritike që mbizotëron në institucionin ku mungon edhe boja e printerit dhe stafi detyrohet të blejë me lekët e veta pasi i bëhet shantazh nga Kapterri.
Një situatë ku asnjë nga stafi i sjellë nga Kapterri nuk e di ku është situata dhe çfarë emergjencash ka realisht institucioni i cili rrezikon mbylljen nën drejtimin e Pezës nëse Këshilli Drejtues dhe Komisioni i Medias nuk e marrin vendimin për shkarkimin e tij një minutë e më parë. Kryetari Bungo në funksion të rregullimit të situatës, kërkoi gjithashtu edhe ndihmën e specialistëve juristë për të nxjerrë nga kriza institucionin duke e zhvendosur mbledhjet e komisionit në RTSH për shkak të situatës alarmante.
