Një oficer policie u qëllua për vdekje në Iran, pasdhjetë ditësh protestash antiqeveritare që u shpërndanë në mbarë vendin. Oficeri, Ehsan Aghajani, humbi jetën në spital pas plagëve të marra gjatë protestave pranë qytetit Malekshahi, një zonë me popullsi kryesisht kurde dhe rreth 20 mijë banorë. Vdekja e tij erdhi një ditë pas vrasjes së një tjetër anëtari të forcave të sigurisë në të njëjtën zonë.
Agjencitë e lajmeve raportojnë se policia shpërndau një protestë në Pazarin e Madh të Teheranit duke përdorur gaz lotsjellës. Pamjet e shpërndara në rrjetet sociale tregojnë protestues që kërkojnë “Liri, liri!” dhe “Pa turp”. Organizatave si Iran Human Rights dhe Human Rights Activists News tregojnë se dhjetëra qytetarë kanë marrë pjesë në këto protesta.
Protestat e fundit filluan më 28 dhjetor në Teheran, duke u nxitur nga rritja e kostos së jetesës, dhe shpejt u shpërndanë në qytete të tjera të vendit. Këto janë protestat më të mëdha që nga viti 2022, kur Iranin e tronditi vdekja në paraburgim e Mahsa Amini, një ngjarje që shkaktoi një valë të madhe protestash.
Sipas një bilanci të AFP, të paktën 12 persona, përfshirë anëtarë të forcave të sigurisë, janë vrarë që nga fillimi i protestave, ndërsa organizatat për të drejtat e njeriut jashtë Iranit raportojnë se numri i viktimave mund të arrijë në të paktën 25 gjatë nëntë ditëve të para. Protestat po vazhdojnë, duke reflektuar një tension në rritje midis qeverisë dhe qytetarëve, të cilët kërkojnë ndryshime dhe më shumë të drejta.
