Kryeministri Edi Rama ditën e sotme do të zhvillojë një takim me me ambasadorët e vendeve të Bashkimit Evropian dhe atë të Britanisë së Madhe.
Bëhet me dije se në fokus së bisedave do të jetë Amnistia fiskale. Rreth dy muaj më parë BE-ja nënvizoi se ky draft paraqet shqetësime serioze dhe do të dobësojë kontrollet e Shqipërisë kundër pastrimit të parave.
Takimi mësohet se do të zhvillohet në Kryeministri dhe mbetet për t’u parë nëse Edi Rama dhe qeveria e tij do të tërhiqen apo do të vazhdojnë projektin e tyre për legalizimin e parave të emigrantëve.
Kryeministri dje në një deklaratë për media tha se do të tentojë që të arrihet një dakordësi me të huajit, por që parësore mbetet interesi i shqiptarëve.
“Ne do mundohemi të krijojmë një bazë ku të gjejmë dakordësi. Nëse s’do jenë dakord 100% prapë nuk ka problem. Ama gjithmonë pa shkelur normat dhe legjislacionin që ka lidhje me BE. Amnistitë fiskale ne i kemi parë në të gjitha vendet e BE. Në këto vende janë bërë shumë amnisti. Në Itali janë bërë më shumë se në vendet e tjera
Përsa i përket parasë së zezë, një gjë të jeni të sigurt, këtu bëhet fjalë për para të përfituara nga puna në të zezë, jo për paratë e zeza. Ky nuk është një ligj për mua, as për politikanët, asnjë nga ata nuk mund të përfshihet në amnisti. As për policët, as për drejtorët, ky është ligj për ata që kanë lënë vite të tëra rrugëve për të kursyer para”, shtoi Edi Rama.
