Në paraditen e sotme, ka ndodhur një incident i rëndë në Mançester, i cili është kapur në video, duke treguar forca të shumta policie dhe kaos në vendngjarje. Sipas raportimeve, autori i dyshuar i sulmit është ekzekutuar nga policia, ndërsa dy persona kanë humbur jetën dhe dy të tjerë janë dëmtuar nga një sulm me automjet dhe thikë.
Policia u thirr në Sinagogën e Kongregacionit Hebraik të Heaton Park në orën 9:31 të mëngjesit. Shkaku i thirrjes ishte një dëshmitar që kishte parë një makinë duke u drejtuar drejt qytetarëve dhe ka raportuar për një burrë të plagosur me thikë. Megjithatë, autoritetet konfirmuan se për momentin nuk mund të jepnin më shumë detaje për shkak të shqetësimeve të sigurisë, që lidhen me sendet e dyshimta në trupin e autorit. Njësia për çaktivizimin e bombave është dërguar në vendngjarje për të hetuar situatën.
Incidenti ka shkaktuar një frikë të madhe mes banorëve të zonës, ndërsa autoritetet vazhdojnë hetimet për të zbardhur ngjarjen dhe për të siguruar zonën. Media është fokusuar në zhvillime, ndërsa qytetarët presin më shumë informacion nga policia.
