SHBA- Departamenti Amerikan i Shtetit njoftoi zyrtarisht sot Kongresin se po mbyllte në mënyrë efektive Agjencinë e SHBA për Zhvillimin Ndërkombëtar, USAID dhe do të transferonte disa nga funksionet e saj nën departament. Riorganizimi do të bëhet deri më 1 korrik, tha Departamenti i Shtetit, duke dhënë një kufi për USAID-in, një agjenci shumë miliarda dollarëshe që luftoi varfërinë dhe urinë në mbarë botën.
USAID është agjencia kryesore e Qeverisë amerikane për administrim të ndihmës civile dhe asistencës zhvillimore në botë. Organizata ka qenë prezente në mbi 100 shtete, duke ndarë fonde në vlerë të miliarda dollarëve brenda vitit, përfshirë këtu edhe Shqipërinë.
Administrata Trump i ka kritikuar programet e USAID-it si joefikase dhe aspak në linjë me interesat amerikane, duke bllokuar kështu fondet e kësaj organizate dhe duke argumentuar se disa prej funksioneve të agjencisë do të menaxhohen prej Departamentit amerikan të Shtetit.
