Charles Kupchan, ekspert në Këshillin për Marrëdhënie me Jashtme në Uashington, komentoi vendimin e Shteteve të Bashkuara për të pezulluar Dialogun Strategjik me Kosovën, duke e lidhur këtë veprim me frustrimin ndaj kryeministrit në detyrë, Albin Kurti. Kupchan theksoi se ky është një sinjal i rëndësishëm, duke theksuar se rajoni ka nevojë për angazhim të rritur nga SHBA, jo për më pak. Ai argumentoi se ky veprim shërben për të ushtruar presion mbi liderët e Kosovës për të vepruar në mënyrë konstruktive dhe për të riangazhuar dialogun me Serbinë.
Sipas Kupchan, ka pasur një perceptim të gjerë se Qeveria Kurti nuk po kontribuon në stabilitetin e Kosovës, duke nxitur tensione të panevojshme. Për shkak të veprimeve të fundit të Kurtit, përfshirë kritikat ndaj Gjykatës Kushtetuese dhe vendimet që kanë krijuar tensione në veri, SHBA ka shfaqur shqetësim serioz për situatën në vend.
Ai gjithashtu vuri në dukje se vendi ka qenë pa një qeveri funksionale për një periudhë të gjatë, që e ka bërë situatën më të komplikuar për Uashingtonin, i cili përballet me disa kriza ndërkombëtare. Pas bllokadës institucionale që ka përfshirë Kosovën, Kupchan sugjeron se SHBA po eksploron çdo mundësi për të tejkaluar këtë situatë dhe për të nxitë formimin e një qeverie që do të bojë një angazhim më konstruktiv në dialogun me Serbinë.
Dialogu Strategjik me Serbinë po përparon, dhe kjo ka potencialin të ndryshojë balancën rajonale. Pezullimi i dialogut me Kosovën është një zhvillim që krijon tensione, duke dërguar një mesazh të fortë për Kurtin dhe pjesën tjetër të klasës politike në Kosovë, se është koha për të vepruar më konstruktivisht.
Përfundimisht, Kupchan theksoi rëndësinë e kompromisit dhe mirëkuptimit mes partive politike në Kosovë për të krijuar stabilitet në një rajon që tashmë është i paqëndrueshëm. Ai beson se një marrëdhënie e fortë me SHBA është thelbësore për Kosovën në përpjekjet e saj për normalizimin e marrëdhënieve me Serbinë.
