Edhe pse stinë vjeshte pesë vatra zjarri kanë shkrumbuar hektarë të tëra me shkurre e pisha dhjetëra vjecare në Godullën e Semanit pranë grykëderdhjes së lumit me të njëjtin emer.
Kanë qenë orët e vona të mbrëmjes së djeshme kur flakët e mëdha janë parë në pyllin me pisha dhjetra vjecare por të favorizuara dhe nga era e fortë janë përhapur me shpejtësi dhe kjo edhe per shkak të mungesës së reshjeve.
Zjarrfikesit dhe banorët luftuan përgjatë gjithë natës me flakët me mjete rrethanore pasi mjetet zjarrfikese e kanë patur të vështirë ndërhyrjen për shkak të terrenit të veshtire.
Për shkak të erës nga jugperendimi në drejtim të veriut flaket nuk kane mundur ti afrohen stacionit te pompimit të gazit të kompanisë TAP ndërkohe qe per shkak te errësires drita e lëshuar nga flakët e larta është parë nga qytetarët fierake edhe pse 20 km larg.
Drejtori i emergjencave civile Maksim Zarka ka pohuar se zjarri eshte drejt fikjes teksa ka djegur nje sipërfaqe të konsiderueshme me mbi 10 ha pyll me pisha , ekualips dhe shkurre teksa ka theksuar se ndërhyrja ka qene shumë e vështire.
Zarka ka pohuar gjithashtu se dyshohet për zjarrvënie të qëllimshme dhe ka apeluar mbrojtjen e pyjeve.
