Humbja e fundit e Juventusit, 2-0 ndaj Comos, ka krijuar një atmosferë të tensionuar brenda klubit. Skuadra, e drejtuar nga Igor Tudor, ka prej një muaji e gjysmë që nuk arrin të fitojë, me pesë barazime dhe një humbje në gjashtë ndeshjet e fundit, duke reizikuar pritshmëritë dhe objektivat sezonale.
Ish-lojtari i Lazios, Paolo Di Canio, ka shprehur kritika të ashpra ndaj sulmit të bardhezinjëve në një intervistë për Sky Sport. Ai është skeptik ndaj performancës së lojtarëve si Openda dhe Edon Zhegrova, duke thënë se nuk mund të konsiderohen si një sulm fenomenal. “A janë Openda dhe Zhegrova një sulm fenomenal? E kuptoj që në Itali nuk ka shumë, por… Openda nuk ka shënuar ndonjëherë kaq shumë gola,” tha ai, duke e krahasuar zgjidhjen e Juventusit me lojtarë më të njohur si Orsolini dhe Politano.
Di Canio e përmendi gjithashtu sulmuesin kanadez Jonathan David, duke theksuar se ai ka një mesatarje prej një goli në çdo dy ndeshje, por nuk është një lojtar që mund të ndryshojë rrjedhën e një ndeshjeje vetëm. Ai vlerësoi se David ka nevojë për mbështetje të madhe nga skuadra për të qenë efektiv.
Juventusi tani përballet me një sfidë të madhe përballë Real Madridit, një ndeshje kyçe që mund të ketë ndikim në fatin e sezonit të tij. Kjo ndeshje, e cila do të zhvillohet jashtë fushe, ka mbledhur vëmendjen dhe shqetësimin e tifozëve, sidomos pas rezultateve të fundit zhgënjyese. Bardhezinjtë shpresojnë për një përmirësim të performancës në këtë duel, duke ditur se një rezultat pozitiv mund të ndryshonte në mënyrë të ndjeshme dinamikën e sezonit.
