Naun Shundi, një emër i njohur në teatrin shqiptar si aktor, regjisor dhe dramaturg, po kalon një periudhë të vështirë shëndetësore për shkak të një diagnoze të rëndë me kancer të lëkurës. Familja e tij, e cila është thellësisht e shqetësuar, ka hapur një llogari në platformën “Gofundme” në përpjekje për të mbledhur 250 mijë euro, të nevojshme për trajtimin e tij.
Vajza e tij, Rea Shundim, ka marrë përsipër fushatën dhe në një mesazh, ajo shpreh shqetësimin e saj për gjendjen e babait të saj, duke theksuar se jo vetëm familja, por gjithashtu dhe komuniteti artistik është tronditur nga kjo ndodhi. Shundi ka kaluar 46 vite në Teatrin Kombëtar dhe ka luajtur mbi 100 role në teatër dhe 20 në film, duke kontribuar ndjeshëm në pasurimin e artit dhe dramaturgjisë shqiptare. Ai është gjithashtu krijuesi i Teatrit të parë privat në Shqipëri, “Zonja e Bujtines”.
Trajtimi i kancerit përfshin shpenzime të larta që familja nuk është në gjendje t’i përballojë për vetë. Fondet e mbledhura do të drejtohen për mbulimin e trajtimeve shëndetësore, blerjen e barnave të specializuara, analizave dhe konsultimeve mjekësore, si dhe transportin dhe shpenzime të tjera të nevojshme për procesin e shërimit.
Rea Shundim thekson se çdo kontribut, edhe i vogël, është një hap më afër shërimit të babait të saj dhe shprehim ndihmën, solidaritetin dhe dashurinë për artistët shqiptarë. Ajo falënderon çdo njeri që do të bëhet pjesë e kësaj beteje, duke shpresuar për një rezultat pozitiv në një moment kaq të vështirë për familjen dhe për artin shqiptar në tërësi. Kjo fushatë është një apel për mbështetje ndaj një figure që ka lënë gjurmë të thella në historinë e teatrit shqiptar dhe është një moment që kërkon bashkëpunim dhe solidaritet nga të gjithë.
