Influencieri “toksik” Andrew Tate, ka rënë në prangat e policisë në Rumani, pasi akuzohet për përdhunim, trafikim njerëzor dhe vepra të krimit të organizuar.
Sipas mediave vendase mësohet se mbrëmjen e kaluar policët bastisën shtëpinë luksoze të influencierit. Përveç tij, është arrestuar edhe vëllai i tij bashkë me dy persona të tjerë.
Prokurorët thanë se dy vëllezërit janë të dyshuarit kryesor të një rrjeti të krimit të organizuar që shfrytëzonin seksualisht të paktën gjashtë gra, të cilat ishin rekrutuar, strehuar dhe detyruar të kryenin video pornografike dhe më pas i shisnin në internet.
Nj zëdhënës i Tate tha për mediat e huaja se për momentin nuk mund të japin asnjë detaj lidhur me arrestimin e Tate dhe vëllait të tij.
“Ne nuk mund të japim asnjë detaj për momentin në lidhje me raportet e supozuara se ata janë arrestuar, megjithatë, Andreë dhe Tristan Tate kanë respektin maksimal për autoritetet rumune dhe gjithmonë do të ndihmojnë dhe ndihmojnë në çdo mënyrë që munden”, tha zëdhënësi.
Tate i lindur në Çikago, emri i plotë i të cilit është Emory Andrew Tate III, është quajtur ‘mbreti i maskulinitetit toksik’ për deklaratat e tij në internet kundër grave.
Ai është një ish-kokboksier profesionist, i cili u bë i njohur kur u shfaq në Big Brother në 2016, por më pas u përjashtua nga programi pasi në rrjet u publikua një video ku ai shihej teksa dhunonte një grua me rrip.
Edhe në prill të vitit 2022, Andreë Tate u përball me akuza për trafikim të qenieve njerëzore, por më pas ai deklaroi se çështjet lindën nga një incident.
