Detaje të reja janë mësuar në lidhje me vendosjen e sasisë së tritolit në automjetin e policit Lulzim Muça.
Ngjarja ndodhi mbremjen e djeshme në Kavajë ku lënda plasëse që dyshohet të ketë qenë rreth 100 gramë ishte instaluar në pjesën e poshtme të automjetit tip “Opel”, nga ana e shoferit.
Makina ka qenë e parkuar në në garazhin e pallatit ku Lulzim Muça ishte shpërngulur së fundmi kur ndodhi shpërthimi.
Hetuesit nuk e kanë të qartë akoma ku është instaluar lënda plasëse, pasi në garazh, ku ngjarja ka ndodhur, nuk ka kamera sigurie dhe po ashtu pamje nuk ka edhe përreth pallatit.
- I marrë në pyetje, Muça deklaroi para hetuesve se dyshimet i ka për shkak të punës si polic. Hetuesit dyshojnë se shkak për vendosjen e lëndës plasëse mund të jenë bërë konflikte të mundshme të tij me persona të tjerë kur kryente detyrën. Sipas burimeve nga policia, po verifikohen disa persona në Kavajë që janë gjobitur në herët nga polici Muça.
