Detaje të reja kanë dalë nga arrestimi i një shqiptari 33-vjeçar në Itali. Mësohet se shqiptari në Ankona me një vizë turistike tre mujore, prej tre muajsh kishte marrë me qira një apartament në via Primo Maggio, në Baraccola.
Ai u kap me 42 kilogram kokainë. Ai punonte si tregtar makinash në Shqipëri që importonte dhe eksportonte rregullisht.
Megjithatë, sipas hetimeve të nisura nga policia financiare e Brescias, e cila i dha të dhëna karabinierëve për të kërkuar të dyshuarin pikërisht në zonën Baraccola, ku të premten u ndalua në një Volksëagen Golf, në via Albertini, zbuloi se në fakt ai ishte një tregtar kokaine.
Në fakt, droga e gjetur në makinë pjesërisht do të dukej e një cilësie të ndryshme nga ajo e gjetur më vonë në shtëpi.
Dy ngarkesa të ndryshme?
Ende po zhvillohen hetime. E sigurt është se 33-vjeçari ka udhëtuar rregullisht në aksin Shqipëri-Marche, ai ka shkuar e rikthehet çdo tre muaj për gjithsej gjashtë muaj në vit. Shumë për një pushim të thjeshtë.
Me pak fjalë, një bazë magazinimi përpara se ndoshta ta drejtonte kokainën diku tjetër.
I mbrojtur nga avokati i lokalit Rimini, Massimiliano Orrù, shqiptari shfrytëzoi të drejtën për të mos u përgjigjur. Ai akuzohet për posedim dhe shitje të drogës (me rrethanë rënduese sasinë e madhe) dhe armëmbajtje pa leje. Mbrojtësi i tij kishte kërkuar lirimin. Motra e tij vjen nga Shqipëria por nuk do të mund të takohet me të vëllanë për dhjetë ditë, koha e parashikuar për izolimin në burg.
Kokaina e pastër do të shitej 10 milionë euro në treg. Dyshimi është se 42 kilogramët e gjetur në Ankona janë vetëm një pjesë e vogël e një rrethi të madh pluhuri të bardhë që kalon nga Shqipëria në Itali.
