Detaje të reja kanë dalë në dritë për rastin e rëndë të ndodhur në Tiranë, ku 35-vjeçari Jetnor Zhaboli mbante të burgosur familjen e tij.
“Fqinjët pasi kishin dëgjuar zhurma dhe parë lëvizjet e dyshimta dhe më pas kanë njoftuar policinë, bashkëshortja nuk ka pranuar dhunën në familje, avokati tha nuk qëndron vepra e shkaktimit të vetëvrasjes, ajo nuk ka tentuar t’i jepte fund jetës.
Duhet të përcaktohet se nga çfarë vuan Zhaboli për të vendosur, ai dyshohet se kishte një vit që vuante nga depresioni dhe për këtë arsye kishte braktisur punën.
Prindërit i kishin punësuar të dy në një biznes privat në Krastë dhe e monitoronin të birin duke iu lutur të mjekohet, gjë që ai nuk e kishte pranuar”, tha gazetarja e Top Channel, Anila Hoxha.
Burg me afat 20 ditor ka vendosur Gjykata e Tiranës sot për Jetnor Zhabolin, i cili mbante të izoluar gruan dhe fëmijët e tij prej një vit.
Prokuroria kishte kërkuar 30 ditë heqje lirie, deri në daljen e aktekspertizës ligjore që do të përcaktojë gjendjen e shëndetit mendor për 35-vjeçarin
Jetnor Zhaboli, para togave të zeza ka pretenduar se gjithçka e kam bërë për të mbrojtur fëmijët e mi pasi kisha frikë për ta.