Një dëshmi e re ka sjellë shpresë për zbardhjen e fatit të Bleona Matës, vajzës së zhdukur për 15 vjet në Kukës. Një i moshuar, i cili ka inline në emisionin “Ftesë në 5”, ndau informacione të vlefshme rreth rrethanave të rrëmbimit dhe lëvizjeve të dyshimta, që mund të hapin pista të reja për hetim.
Gjendja emocionale e nënës, Bukuria, është e rëndë, ajo thekson se dhimbja e 15 viteve pa drejtësi e përvëlon çdo ditë. Ajo kërkon burgimin e hallave të Bleonës, të cilat beson se janë të përfshira në atë që e quan rrëmbim. “Kjo dhimbje po më djeg, por shpresat janë ende të gjalla,” shprehet ajo.
Nënë Bukuria tregoi se një makinë me targa nga Vlorë është parë në ditën e rrëmbimit, dhe se fshatarët, nga frika, kanë fshehur informacionet para policisë. I moshuari i intervistuar tha se informacione të tilla i kishte mbajtur për vete për arsye të familjes, dhe shprehu dëshirën për të zbardhur të vërtetën para se të jetë tepër vonë.
Ajo kritikon gjithashtu babanë e Bleonës, të cilin e akuzon se nuk e ka denoncuar kurrë humbjen e vajzës. “Si ta kërkojë babai, ku është turpi? Ai ka pasur presion nga vëllezërit”, tha nëna e vajzës, duke shtuar se babai nuk e ka zemrën për të kërkuar për fëmijën e tij.
Kjo situatë sjell në vëmendje çështjen e drejtësisë dhe nevojën për të zbardhur të vërtetën për fatin e Bleonës, e cila ka mbetur pa përgjigje për më shumë se një dekadë. Diskutime të tilla ngjallin nevojën për një rigjenerim të procesit të hetimit dhe për të siguruar që ata që janë të përfshirë në këtë çështje të përballen me pasojat e veprimeve të tyre.
