Dy partitë e mëdha, PS dhe PD, pritet të rinovojnë marrëveshjen për ndryshimin e Kushtetutës, ashtu siç ndodhi në vitet 2008 dhe 2016 për reformat zgjedhore dhe ato në drejtësi. Ish-kryetari i LZHK-së, Dashamir Shehi, shprehu pikëpamjet e tij në emisionin “Top Story”, ku theksoi se marrëveshja e vitit 2008 mes PS dhe PD kishte si qëllim “zhdukjen” e Ilir Metës dhe LSI-së.
Shehi argumentoi se marrëveshja u bë për t’i shërbyer interesave të dy liderëve, Sali Berishës dhe Edi Ramës, të cilët kishin vizione të ndryshme për të ardhmen politike të vendit. Ai konkretizoi se, gjatë asaj periudhe, Berisha mendonte se sistemi do të garantonte pushtetin për të, ndërsa Rama shpresonte se do të arrinte të merrte pushtet përmes ndryshimeve, megjithatë, erdhi katër vjet më vonë dhe mbajti pushtetin për 16 vite.
Shehi shprehu dakordësinë me idenë e marrëveshjes, por theksoi rëndësinë e transparencës në politikë. Ai kritikoi praktikat e shkëmbimeve të fshehta mes liderëve, duke thënë se këto marrëveshje duhet të bëhen hapur dhe me pjesëmarrjen e qytetarëve. Ai propozi për nevojën e hapjes së një debati politik të gjerë, që ta ndjekin edhe ata që nuk janë në Parlament.
Shehi theksoi se marrëveshjet politike nuk duhet të realizohen në kafe, por duhet të jenë të mirëpërcaktuara dhe me përfitime të qarta për të gjitha palët. Ai shprehu besimin se, nëse ka një marrëveshje konkrete, ajo do të ishte më e mirë për të mirën e vendit dhe për ndryshime të qëndrueshme në sistemin politik shqiptar.
