Plaurent Dervishaj dhe Julian Meçaj kanë konfirmuar lajmin ekskluziv të portalit Timoni.al ku kanë bërë të ditur në seancën e masave të sigurisë, duke pretenduar se kanë ardhur vetë në Shqipëri për të përballuar akuzat dhe se nuk janë ekstraduar nga autoritetet.
Para gjyqtares Rudina Palloj, ata kërkuan masa më të buta sigurie, duke theksuar se nuk kanë rrezik ikje. Në seancë ishte i pranishëm edhe drejtuesi i SPAK, Altin Dumani, i cili kërkoi mbajtjen e tyre në arrest me burg. Gjykata pranoi kërkesën e SPAK për të lënë në burg Dervishajn dhe Meçajn, ndërsa avokatët kërkuan kohë për të shqyrtuar aktet.
Policia nuk ka sqaruar ende se si dy të shumëkërkuar mbërritën në Shqipëri dhe iu dorëzuan autoriteteve.
