TIRANA– Deputeti i Partisë Demokratike, Bledion Nallbati, është parë sot në ambientet e Prokurorisë së Posaçme (SPAK). Deri më tani nuk janë bërë të ditura arsyet e kësaj paraqitjeje, ndërsa institucioni nuk ka dhënë ende asnjë sqarim zyrtar.
Kjo nuk është hera e parë që Nallbati shkon në SPAK. Dy vite më parë, ai është thirrur në lidhje me përplasjen që pati me deputetin socialist Vullnet Sinaj, një incident që në atë kohë mori vëmendje të gjerë publike.
