Pas mbledhjes së Sekretariatit të Etikës, deputetët e Partisë Demokratike (PD) që janë anëtarë të Këshillit të Mandateve u drejtuan në ambientet ku zhvillohen mbledhjet. Atje, ishin vetëm anëtarët e PD, pasi socialistët nuk morën pjesë. Ata kërkuan që mbledhja për shqyrtimin e kërkesës së SPAK për heqjen e imunitetit të zv. kryeministres Belinda Balluku të zhvillohet këtë të martë.
Ulsi Manja, pas përfundimit të mbledhjes së Sekretariatit të Etikës, deklaroi se do t’i drejtohej votuesve, duke lënë të kuptohet se anëtarët e socialistëve nuk do të merrnin pjesë në mbledhjen e kërkuar nga PD në Këshillin e Mandateve. Shtyrja e mbledhjes së parë të këtij Këshilli nuk e përcaktoi një datë të re për një takim tjetër, duke u dhënë anëtarëve kohë për t’u njohur me dosjen që SPAK ka për Ballukun. PD kërkoi që mbledhja të mbahej sot, duke argumentuar se tre ditë ishin të mjaftueshme për të shqyrtuar aktet përkatëse.
