Gazetarja e njohur e Top Channel, Dorjana Bezat, është kërcënuar me një mesazh në telefon, ndërsa ishte mbrëmë e ftuar në emisionin Top Story.
Ajo u shpreh se tashmë nuk i bënin më përshtypje mesazhet kërcënuese.
Mesazhi kërcënues iu dërgua gjatë kohës kur po diskutoheshin detaje nga bisedat e personazheve të krimit në rrjetin Sky.
“Një gazetare që merret me kronikën, edhe që për mua rrezikon. Ndërsa diskutonim këtë, shfaq një mesazh që i vjen në rrjetet sociale, krejtësisht kërcënues, krejtësisht bullizues, i ndyrë. Unë e di që Dorjana Bezat i ka të gjitha lidhjet, edhe me policinë, edhe me Prokurorinë, të trajtojë çdo gjë”, tha Grida Duma.
