Komandantët rusë po ekzekutojnë ose po dërgojnë ushtarët që refuzojnë të luftojnë në Ukrainë drejt vdekjes, sipas një hetimi të mediave ruse Verstka. Ky hetim zbardh një tablo të errët të dhunës brenda ushtrisë ruse, duke dokumentuar akte të vrasjes, torturës dhe dënimeve me vdekje ndaj ushtarëve. Verstka identifikoi 101 ushtarë të akuzuar për këto krime, duke konfirmuar të paktën 150 vdekje ndërsa sugjeron se numri real mund të jetë edhe më i lartë.
Raportet për vrasje mes ushtarëve kanë qarkulluar që nga fillimi i pushtimit dhe përmendin formimin e “njësive parandaluese” për të frikësuar ushtarët nga tërheqja. Kremlini ka mohuar akuzat për mungesë disipline, duke pretenduar se këto dukuri janë të zakonshme vetëm në forcat ukrainase.
Sipas dëshmive, komandantët emëruan “ekzekutues” të cilët qëllonin ushtarët që refuzonin urdhrat dhe i zhdukshin trupat e tyre, duke i regjistruar si “të vrarë në betejë.” Dronët dhe eksplozivët gjithashtu janë përdorur për të “eliminimin” e ushtarëve të plagosur, dukë paraqitur vrasjet si sulme armike.
Hetimi gjithashtu dokumentoi torture brutale, si skenat e ushtarëve të detyruar të luftonin në “duele deri në vdekje,” për të cilat dëshmitarët i krahasuan me arenat romake. Një video e publikuar e rregjistron një incident, ku burra luftojnë nën kërcënimin e komandonit për të vrarë njëri-tjetrin.
Përveç torturës, raportet sugjerojnë se komandantët kërkonin ryshfet për të përjashtuar ushtarët nga misionet vetëvrasëse, e ata që nuk paguanin u “asgjësuan.” Ka raste ku ushtarë janë dërguar në misione vetëvrasëse për të tërhequr zjarrin armik, duke e vënë në rrezik jetën e tyre.
Fillimisht, raporte të shumta vinin nga batalione penale të përbëra nga ish-të burgosur, por tani praktikat e dhunës janë përhapur edhe në njësitë e zakonshme. Dëshmitë tregojnë se shumica e autorëve të dhunës janë oficerë të rangut të mesëm që deri tani kanë mbetur të pa ndëshkuar.
Verstka raportoi se Zyra Qendrore e Prokurorit Ushtarak të Rusisë ka marrë gati 29,000 ankesa nga ushtarët dhe familjet e tyre në gjysmën e parë të vitit 2025, me më shumë se 12,000 ankesa për ndëshkime nga eprorët.
