Poshtë pallatit të Sali Berishës ku ndodhet në arrest shtëpie mesditën e sotme kishte një numër demokratësh në mbështetje të tij. Deputetë, ish-deputetë dhe militantë. Për t’i falënderuar doli edhe vajza e ish-kryeministrit. Argita Malltezi tha se rezistenca do të vijojë dhe do të shtrihet në të gjithë vendin.
“Ju falënderoj shumë për ardhjen, pjesëmarrjen dhe angazhimin tuaj në këto ditë të para të vitit të ri, që e nisët vitin e ri në barrikadën e luftës për fitoren e pluralizmit. Ne do të fitojmë pa diskutim. Asnjë diktator nuk i përballet dot shpirtit tuaj të lirë.
Ju jeni misionarët e kësaj lufte që nga kjo rrugicë do të shtrihet në të gjitha rrugët e Shqipërisë. Jam e bindur që Zoti këtë vit ka plane shumë të bukura për Shqipërinë dhe do të shpërblejë të gjithë demokratët për luftën dhe qëndresën. Zoti është durimtarët prandaj është detyra jonë të qëndrojmë” tha ajo.
