Personi që shihni në foto është 19-vjeçari Erjon Xhenja që u ekzekutua mbrëmjen e djeshme në lagjen “Kiras” të Shkodrës.
19-vjeçari ishte në një lokal, ku dy persona u futën brenda ambientit e qëlluan me breshëri plumbash. 5 plumbat që e kapën në trup i shkaktuan vdekjen e menjëhershme 19-vjeçarit.
Në pjesën e rrugës ku kanë qëndruar autorët e armatosur, janë gjetur të paktën 10 gëshoja. Hetuesit janë duke marrë në pyetje dëshmitarët që kanë qenë në vendngjarje, për të zbuluar më tepër detaje rreth saj.
19-vjeçari që mbeti i vrarë është i afërm i dy vëllezëve të shpallur në kërkim, Shkëlzen dhe Sehar Xhenja që akuzohen për atentatin ndaj Taulant Pepajt, në 21 shkurt të 2021. Nuk dihet nëse ka lidhje atentati i mbrëmshëm me këtë ngjarje.
Policia po punon për zbardhjen e plotë të rrethanave të ngjarjes si dhe identifikimin e autores.
