Personi që shihni në foto është ushtaraku Altin Celami, i cili u arrestua dje në kuadër të operacionit “Porositësi”.
Bëhet me dije se ushtaraku 43-vjeçar ka rënë në prangat e policisë pasi akuzohet se blinte armë dhe ua siguronte ato vrasësve me pagesë.
Celami ka punuar si ushtarak në repartin e Pezë Helmës në Tiranë. Kujtojmë që ditën e djeshme Policia e Durrësit zhvilloi një operaciin, ku ranë në pranga 14 persona.
Gjithçka nisi pas ngjarjes së disa ditëve më parë në autostratën Tiranë-Durrës, ku vëllezërit Gentian dhe Indrit Beqiraj u dhunuan dhe njërin nga vëllezërit u mor peng për disa orë.
Pas dhënies së dëshmisë në polici ata kanë zbardhur dhe disa ngjarje dhe vrasje të ndodhura në vend, duke zbuluar porositësit, shënjestrën dhe personat që kanë kryer “porosinë”.
Më konkretisht, Gentian dhe Indrit Beqiraj dyshohet se kishin planifikiar të kryenin vrasjen e Aleksandër Lahos, i njohur si Rumi i Shijaku. “Rumi” ndodhej në makinë me ish-prokurorin Arjan Ndoj, kur iu krye atentat në vitin 2019.
Po ashtu vëllezërit Beqiraj dyshohet si të përfshirë krimin e rëndë të ndodhur në “Don Bosko” ku gjatë të shtënave me armë në një lokal në janar të këtij viti, ku mbeti i vrarë një person dhe u plagosën katër të tjerë.
Dyshohet se vëllezërit Beqiraj kishin marrë porosi nga Kasandër Noga për vrasjen e një Edmond Crroj dhe dy nipërve të tij, por gabimisht gjatë të shtënave me armë mbeti i vrarë Erjon Çela. Ata kanë krijuar kushtet për kryerjen e atentatit por krimin kanë thënë se e ka kryer, Kevin Zeneli. Ky i fundit është ndihmuar më pas prej tyre për t’u arratisur jashtë shtetit.
Dyshohet se vëllezërit Beqiraj janë autorët e vrasjes së Arben Mërkurit, i ekzekutuar pesë muaj më parë pranë biznesit të tij në Sukth. Ndonëse nuk ka më tepër informacion nga autoritetet për këtë ngjarje, policia thotë se vëllezërit Beqiraj kishin marrë 3,500 euro paradhënie, për të marrë një ambient me qira pranë vendit ku banonte Mërkuri.
Sipas Policisë vëllezërit “vrasës me pagesë” kishin marrë shuma të konsiderueshme nga 50 deri në 150 mijë euro për kryerjen e atentateve. Në këtë operacion u arretuan 14 persona, mes tytre efektiv i Policisë së Burgjeve dhe një ushtarak.
