Reshjet e dëborës në Steblevën e Librazhdit kanë vijuar gjatë natës, duke bërë që trashësia e dëborës të kalojë 10 cm në mëngjes. Temperaturat në këtë zonë kanë rënë deri në -2°C.
Aksi nacional Librazhd–Peshkopi është i kalueshëm vetëm me zinxhirë dhe goma dimërore për shkak të kushteve të vështira të motit dhe pranisë së ngricave. Situata ka shkaktuar probleme edhe në disa fshatra të njësisë Steblevë, të cilat aktualisht janë pa energji elektrike. Kjo ka ndodhur për shkak se disa linja përcjellëse janë këputur si pasojë e motit të keq.
Këto kushte të keqija të motit kanë ndikuar në lëvizjen dhe jetën e përditshme të banorëve, duke rritur nevojën për kujdes të shtuar nga autoritetet lokale dhe shërbimet e emergjencës.
