Mëngjesi i sotëm në rrethin e Bulqizës ka sjellë mot të kthjellët, por me temperatura të ulëta dhe prezencë dëbore në lartësitë mbi 500 metra. Kjo ka dhënë një pamje të bukur për malet e zonës.
Sa i përket infrastrukturës rrugore, gjendja është e mirë. Rrugët nacionale dhe ato rurale janë të kalueshme pa probleme, fal punës së vazhdueshme për mbajtjen e tyre nën kontroll. Megjithatë, në disa rrugë që kanë destinacion minierat e Zonës D, Martanesh dhe Tërnovë, janë regjistruar vështirësi të vogla për shkak të prezencës së dëborës. Policia rekomandon që drejtuesit e mjeteve të tregojnë kujdes të shtuar në këto zona për shkak të kushteve të motit.
Situata në rrethin e Matit dhe Dibrës gjithashtu është normalizuar, duke e bërë qarkullimin më të shpejtë dhe të sigurt për banorët dhe ata që udhëtojnë.
