Prej ditës së djeshme disa akse rrugore në Korçë kanë qenë të bllokuara për shkak të reshjeve të dëborës. Aktualisht po punohet për hapjen e rrugës Shtyllë-Panarit .
Bllokimi i kësaj rruge ka lënë të izoluar fshatin Panarit pasi në vende të caktuara pjesë të këtij segmenti trashësia e dëborës shkon deri në 2 metër.
Kujtojmë që prej ditësh tashmë i gjithë vendi është përfshirë nga problematika të shumta për shkak të motit të keq.
