Napoli do ta humbasë Kevin De Bruyne për pjesën tjetër të vitit 2025 pas një dëmtimi të rëndë. Mesfushori belg, gjatë ndeshjes me Interin, pësoi një dëmtim në bicepsin femoral. Në një komunikatë për shtyp, klubi italian njoftoi se De Bruyne ka nisur procesin e riaftësimit.
Pas shënimit të një penalltie, De Bruyne preku kofshën e djathtë dhe u detyrua të largohet nga fusha e lojës me paterica. Mjekët parashikojnë një periudhë rikuperimi prej 3-4 muajsh, me futbollistin që pritet të udhëtojë drejt Belgjikës për trajtim. Sipas Sky Sport, De Bruyne ka shprehur dëshirën për t’u nënshtruar një operacioni, ndryshe nga mjekimi konservator që iu vendos Lukakut.
Ky situatë e detyron Napolin të rishikojë strategjinë e tij për Ligën e Kampioneve, duke shqyrtuar mundësinë e rikthimit të Marianucchin ose Mazzocchin për të zëvendësuar De Bruynen. Kjo do të jetë një sfidë e madhe për skuadrën, e cila do të përballet me nevojën për të riorganizuar formacionin pa një nga lojtarët e tij më kyç.
