TIRANË- Gazetari Klodian Tomorri ka ndarë disa pamje në rrjetet sociale të një produkti ushqimor të blerë në supermarketin “Conad”. Tomorri shkruan se ricota “Valle Verde” tek “Conad”, e cila datën e skadencës e ka në 12 maj, nje ditë pas zgjedhjeve, është e mykur.
Tomorri shkruan se ky produkt i mykur shitet në Shqipëri dy herë më shtrenjtë se në Itali. Gazetari ngre shqetësimin e sigurisë ushqimore në vend, ku shprehet se është një tmerr i madh. Po ashtu sjell në kujtesë edhe skandalet e ditëve të fundit si mishi me salmonelë apo mandarinat dhe luleshtrydhet me pesticide.
POSTIMI I PLOTË:
Zhvates dhe te pashpirt Kjo eshte gjiza Valle Verde e Conadit. Ose ricotta si i thone italianet. E blere ne daten 26 mars, para nje jave dmth, tek Conadi tek ministria e Drejtesise.
Data e skadences thote 12 maj, nje dite pas zgjedhjeve. Kater vatra myku ka. Sa e hapa. Kater vatra myku tej e tej. Keta mire qe jane te babezitur, por jane dhe te pashpirt.
Pse te babezitur?
Cmimi qe e shet Conadi ketu eshte 499 leke. Pasi pashe mykun dhe cmimin, nisa te kontrolloj per kuriozitet me sa shitet ne Itali kjo. Cmimi ne Itali per te njejtin produkt eshte. 2.75 euro ose 2 here me pak se sa e shet Conadi ketu.
Kane kosto te medha ketu ndaj. Paguajne taksa me te larta se ne Itali, u japin punetoreve rroga me te larta se ne Itali. Dmth Conadi edhe te rrjep edhe te helmon.
Tani, une jam i ndergjegjshem qe pronari apo drejtori i Conadit nuk jane brenda tasit, qe ta shohin se gjiza ka myk. Por ka vetem dy arsye se pse ajo eshte mykur para dates se skandences.
Ose eshte ruajtur keq ose i eshte nderruar data e skadences. Nje histori per te cilen ne Shqiperi kemi degjuar dhe pare shpesh.
Megjithate, keta jane dhe interesante se kam degjuar nje rast, qe dikush kishte ngritur te njejtin shqetesim dhe e hodhen ne gjyq.
Dmth ose ha mykun dhe rri urte ose po u ankove te cojme ne gjyq.
Siguria ushqimore ne kete vend eshte nje tmerr i madh. Gjiza me myk. Pulat me salmonele. Luleshtrydhet me pesticide.
Mandarinat me helme.
Dhe larot bejne fitime me jetet e njerezve. Po duro milet sa te marrim ate pasaporten e BE-se.
