Evis Berberi ish kreu i ARRSH përvec përfitimit te tenderave publik që kishte marr me kompaninë e tij DAAM sh.p.k, bashkë me administratorin dhe mikun e tij Valter Begaj në vitin 2019 morën në administrim edhe kompleksin turistik Valamar. Me datën 4 janar 2020 Valter Begaj administrator i DAAM sh.p.k i shkruan sms Evis Berberit në lidhje me liste pagesën për punëtorët që do duhen për kompleksin turistik.
Begaj: Perfundimisht automjeti Fiat Tipo 15 Euro dita me siguracion full casco. Me faturë tvsh. Punëtorët e gjelbërimit dhe rrugëve – 40000 leke net – 30000 leke net. Punëtorë pastrimi gra 2 minimumi -26000 leke net ose maks -30000 leke net. Kaq harxhime për momentin. Do blejmë dhe një laptop, një printer scaner fotokopie A3, I tel me kartë maks 3000 leke karikim mujor. Do ishte mirë dhe linjë e internetit për shkembim email-et.
Evis Berberi: Po duhet internet patjetër.
Valter Begaj: Ta gëzojmë e le të na ecë mbarë, o ishalla arrijmë ti mbledhim
Evis Berberi: Hahaahahah ç’të sjellë lumi.
Në dosje evidentohen edhe biseda ku Evis Berberi i shkruan një punonjësi të shoqërisë DAAM në lidhje me mjetet e punës që do duhen për kompleksin.
Evis Berberi: Mirëmëngjesi më dërgo listën e veglave që mungojnë.
Eros H: Ok. Veglat e punës për lulishten. Makinë bari, gërshërë të vogla për krasitje, pump helmi për spërkatje, vegla të punës elektrike.
Eros H., siç pasqyrohet në dosje, rezulton se ka qenë në kontakt të vazhdueshëm me Evis Berberin për punët në kompleksin Valamar. Ky shtetas deklaron se ka komunikuar me Evis Berberi, edhe për shpenzimet e shoqërisë DAAM sh.p.k në lidhje me administrimin dhe mirëmbajtjen e rezidences “Valamar”.
Në datën 24 shkurt 2020, në orën 12:03, shtetasi Evis Berberi i dërgon sms Valter Begaj:
“Kanë filluar përgëzimet nga Valamar”
Valter Begaj: Epo njerëz të mire jemi,për këtë arsye nuk faturuam dhe s’do faturajmë deri në fund të marsit. Do e bëjmë lump sum
Evis Berberi: Po më mirë
-Në datën 27.05.2020, në orën 12:19, shtetasi Valter Begaj i dërgon sms shtetasit Evis Berberi: “Ndërkohë do marrim po ja vlejti dhe 3 kulla te ish-fusha e Partizanit.
Të ndaj vetëm sa paguhet ashensori. Por me shërbimet s’ja vlenka. Valamar nëse paguajnë do e mbajmë meqënëse do bëjmë kompleksin mbrapa”. Në orën 12:19.
Evis Berberi: “Ok”.
/OranNews/
