Të shtëna me armë zjarri u regjistruan mbrëmjen e kësaj të mërkure në kryeqytet.
Nga informacionet e para mësohet se ngjarja ka ndodhur rreth orës 20:00 të mbrëmjes së sotme në zonën e njohur të Tiranës si “Diga e Liqenit”.
Lidhur me këtë ngjarje një reagim paraprak ka ardhur dhe nga Policia e Shtetit të cilët bëjnë me dije se një telefonatë për të shtëna me armë ka mbërritur në sallën operative. Menjëherë efektivët u nisën drejt vendit të ngjarjes e paraprakisht dyshohet për një konflikt të çastit brenda një restoranti “Zgara Korçare”.
Mësohet se konflikti ka agravuar deri në përdorimin e armëve të zjarrit. Njëri prej personave të përfshirë në këtë debat ka nxjerrë pistoletën dhe dyshohet se ka qëlluar me armë zjarri.
I plagosuri është dërguar menjëherë për kurim në një spital privat. Raportohet se shtatë persona janë konfliktuar me njëri-tjetrin dhe njëri ka qëlluar me armë zjarri.
Pamjet video të publikuara nga Euronews Albania:
