Dakota Johnson dhe Chris Martin i kanë dhënë fund njëherë e mirë lidhjes së tyre.
“Këtë herë duket përfundimtare”, tha një burim për People.
Aktorja dhe këngëtari, të cilët u lidhën në tetor të vitit 2017, për herë të fundit u fotografuan bashkë në mes të majit në Malibu. Përpara kësaj, në muajin janar u fotografuan në Indi.
Në një intervistë me Los Angeles Times, Johnson la të nënkuptohej se ndarja ka ndodhur. E pyetur për rolin e saj të fundit në “The Materialists” dhe çfarë “e bënte të ndihej ndryshe”, ajo tha:
“Komplekset e të gjitha personazheve. Paradoksi. Të gjithë që ndihen konfuzë se çfarë duhet të bëjnë me zemrën dhe cila është lëvizja e duhur. M’u duk shumë e sinqertë dhe se mund të gjeja veten.”
“Për shumë kohë, jemi treguar të shpejtë për të gjykuar lidhjet dhe si duhet të ndodhin ato, si duhet të ekzistojnë në botë, kur duhet të martohen njerëzit, divorci është i keq. Gjithë këto gjëra në fakt që kur i mendon, pse divorci është i keq? Pse njerëzit duhet të martohen apo ta bëjnë në një moshë të caktuar apo vetëm një herë? Pse? S’ka rëndësi”, vijoi ajo.
Në mars të vitit 2024, një burim tha se çifti kishte qenë në fakt i fejuar prej “vitesh” pasi thashethemet kishin dalë në vitin 2020, por ata “s’kishin ngut për martesë”.
Më vonë, në muajin gusht, thashethemet e ndarjes qarkulluan sërish dhe përfaqësuesit e aktores thanë se dyshja ishin “shumë të lumtur bashkë”.
Njëkohësisht, një burim tha se Johnson dhe Martin “kanë pasur probleme dhe kanë bërë pauza në të shkuarën”, pasi të dy “e duan karrierën e tyre” dhe “po i ekuilibrojnë gjërat sa më mirë munden”.
