KOSOVA– Në zgjedhjet lokale të së dielës në komunën e Gjakovës, qytetarët janë përballur me një rast të pazakontë, në listën e kandidatëve ka figuruar edhe emri i të ndjerit Nikollë Perkaj, ish-kryetar i Ballit Kombëtar Demokrat Shqiptar. Sipas rezultateve të publikuara nga Komisioni Qendror i Zgjedhjeve (KQZ), Perkaj ka marrë 52 vota në këto zgjedhje, pavarësisht se kishte ndërruar jetë disa muaj më parë pas një aksidenti trafiku.
Emri i tij kishte mbetur në listën zyrtare të kandidatëve për shkak të afateve ligjore dhe procedurave zgjedhore, të cilat nuk lejojnë ndryshime pas certifikimit të listave.
