Cristiano Ronaldo vazhdon të sfidojë moshën dhe t’i thyejë rekorde edhe në 40-vjeçarin e tij. Ylli portugez i Al-Nassr është shpallur futbollisti më i paguar në botë për vitin 2025, sipas Forbes, duke lënë pas rivalin e tij të përjetshëm, Lionel Messi, si dhe emra të tjerë të njohur të futbollit.
Ronaldo kryeson listën me fitime vjetore prej 280 milionë dollarësh (rreth 239 milionë euro), duke e tejkaluar Messi-n, i cili renditet i dyti me 130 milionë dollarë (111 milionë euro). Pas Ronaldos dhe Messit, lista përfshin Karim Benzema me 104 milionë dollarë, Kylian Mbappé me 95 milionë dollarë, dhe Erling Haaland me 80 milionë dollarë. Në këtë top 10 janë gjithashtu Vinicius Jr, Mohamed Salah, Sadio Mané, Jude Bellingham dhe Lamine Yamal, i cili është surpriza më e madhe e renditjes.
Rreth 90% e fitimeve të Ronaldos vijnë nga kontrata e tij me Al-Nassr, e cila konsiderohet rekord, ndërsa pjesa tjetër është e ndarë mes sponsorizimeve dhe aktiviteteve jashtë fushës, ku ai vazhdon të jetë një figurë e rëndësishme në sportin global. Ai bashkëpunon me marka të njohura si Nike dhe Herbalife, duke menaxhuar një portofol të gjerë biznesesh.
Më interesant është fakti se Lamine Yamal, një talent i ri vetëm 18-vjeçar nga Barcelona, renditet në vendin e 10-të dhe është lojtari më i ri ndonjëherë që futet në këtë listë prestigjioze. Me fitime prej 43 milionë dollarësh në vit, Yamal ka arritur të bëhet një nga emrat më të njohur në futboll, duke tërhequr vëmendjen si në fushë ashtu dhe jashtë saj.
Kjo renditje tregon jo vetëm dominimin e Ronaldos në futbollin e sotëm, por gjithashtu sugjeron evolucionin e sportit dhe rritjen e influencës së lojtarëve të rinj si Yamal.
