Tre çështje që lidhen në Bashkinë e Tiranës ishin në dyert e drejtësisë këtë të premte. Bashkëshortja e kryebashkiakut të Tiranës firmosi paraqitjen në SPAK, ndërsa Apeli i GJKKO rrëzoi kërkesën e mikeshës së familjes Ahmetaj për heqjen e sekuestros mbi pasurinë. Po ashtu në gjykatë u vendos data 12 për të vendosur mbi 3 drejtorët e kryeqytetit
Bashkëshortja e kryetarit të bashkisë së Tiranës, Erion Veliaj u paraqit këtë të premte në SPAK në respektim të vendimit detyrim paraqitje.
Pavarësisht se Erion Veliaj në çdo ditë komenton mbi dosjen në rrjetet sociale, Ajola Xoxa nuk dha komente për mediet edhe pas nënshkrimit.
Një tjetër çështje që ka përfshirë bashkëshortet e njerëzve dikur në kulmin e pushtetit është dhe ajo e incineratorëve.
Apeli i GJKKO la në fuqi masën e sekuestros së pasurisë që janë në emër të Elda Dinajt, kjo e fundit e njohur edhe si e afërme e gruas së ish zëvendëskryeministrit Arben Ahmetaj.
Ish numri dy i qeverisë vijon të jetë në kërkim prej muajit korrik ndërsa mësohet se ka kërkuar azil në Zvicër
Djegësat e mbeturinave duket se i bashkojnë të dy rastet, ku për koncesionin e Tiranës. Seanca për dosjen 5 d u shty për në 12 mars ndërsa shkak u bë mungesa e Taulant Tushës që ndodhet nën masën arrest me burg.
