Policia e Fierit dhe Lushnjës kanë çmontuar 20 kamera të vendosura në kundërshtim me ligjin.
Në hetim për ndërhyrje të padrejta në jetën private janë 5 shtetas të cilët i kishin montuar këto kamera në mënyrë të kundërligjshme.
Në Fier, në lagjet “8 Shkurti” dhe “Liri” janë çmontuar 5 kamera dhe në hetim janë shtetasit me iniciale A. B. dhe K. K.
-Plani operacional ka vijuar në Lushnjë ku u çmontuan dhe u sekuestruan 15 kamera të vendosura në lagjet “18 Tetori” dhe “Loni Dhamo”.
Në hetim janë shtetasit me iniciale K. T., S. T. dhe K. A.
Materialet i kaluan prokurorive të rretheve gjyqësore Fier e Lushnjë, për veprime të mëtejshme.
