Deputeti i Partisë Demokratike, Genc Strazimiri, ka akuzuar qeverinë shqiptare për instalimin e një regjimi autoritar të ngjashëm me atë të Vladimir Putinit, i cili maskohet pas aleancave perëndimore. Ai deklaroi se shoqëria shqiptare ka humbur dinjitetin e saj demokratik, duke i dhënë votën në këmbim të 50 eurove.
Strazimiri theksoi nevojën për të refuzuar këtë “putinizëm të veshur me petkun e NATO-s” dhe për të rikuperuar lirinë e vërtetë. Sipas tij, shqiptarët janë lodhur nga liria, duke e parë atë si një mundësi të humbur, dhe nuk janë të gatshëm të sakrifikojnë për të ruajtur të drejtat e tyre. Ai vuri në dukje se procesi i degradimit të demokracisë ka qenë progresiv që nga viti 2013, ku shit-blerja e votës ka marrë përmasa alarmante.
Sipas Strazimirit, vota është shndërruar në një mall që blihen me çmime gjithnjë e më të ulëta, me 50 euro si çmimin minimal për çdo votë të blerë. Ai bëri thirrje për vetëdijesim dhe mobilizim të qytetarëve shqiptarë, për të luftuar kundër kësaj situate, e cila po kërcënon thelbësisht demokracinë në Shqipëri.
Ky qëndrim, i shprehur në një intervistë në A2CNN, pasqyron një shqetësim të thellë për të ardhmen e demokracisë dhe vlerave demokratike në vend, duke i bërë thirrje shoqërisë për veprim aktiv dhe angazhim për mbrojtjen e lirisë së saj.
