Gjirokastra po jeton një atmosferë festive me një program të pasur kulturor dhe artistik në këtë periudhë të fundvitit. Trupa e Cirkut Kombëtar ka sjellë një shfaqje që ka arritur të tërheqë publikun e të gjitha moshave. Gerald Shima, artist i cirkut, shprehu emocionet e tij duke theksuar se për ta është një kënaqësi të sjellin artin e cirkut në qytete të ndryshme, duke vlerësuar ngrohtësinë e mirëseardhjes nga Gjirokastra.
Mbrëmja muzikore e artistëve italianë ka qenë një tjetër pikë kyçe e aktiviteteve. Në skenën artistike të zonës muzeale, ata interpretuar pjesë operistike dhe muzikën e filmave të njohur. Sopranoja Barbara Luccini shprehu kënaqësinë e saj për vizitën në Shqipëri, duke u habitur nga bukuria e vendit. Ajo theksoi se koncerti ishte një mundësi për të sjellë në Gjirokastër muzikë të pavdekshme nga kompozitorë si Morikone, dhe e vuri në dukje duartrokitjet ngrohta të publikut.
Pianisti Aliano Fridani, në rikthimin e tij të tretë në Shqipëri, theksoi dashurinë e shqiptarëve për kulturën dhe emocionet që ofron muzika. Ai njoftoi se koncerti ishte i dedikuar muzikës së filmave të Enio Morikones dhe shprehu mirënjohjen për publikun gjirokastrit, duke vlerësuar atmosferën festive.
Aktivitetet kulturore do të vazhdojnë gjatë festave, duke sjellë gjithashtu turistët që vizitojnë Gjirokastrën në dimër, dhe kështu qyteti do të mbetet në qendër të vëmendjes për dashamirësit e artit dhe turizmit.
