Cristian Chivu, trajneri i Interit, po përballet me një tjetër sfidë në skuadrën e tij. Krahun e djathtë Matteo Darmian e ka humbur për shkak të një problemi shëndetësor. Darmian iu nënshtrua ekzaminimeve mjekësore në Istitutin Humanitas të Rozzanos në Milano, ku u zbulua një shqetësim muskulor në muskujt e pasmë të këmbës së majtë, konkretisht në zonën e soleusit.
Sipas informacionit të dhënë, gjendja e tij do të ndjeket me kujdes në ditët në vazhdim, por është e sigurt që Darmian nuk do të jetë në dispozicion për ndeshjen e radhës, që do të zhvillohet të shtunën në Olimpico kundër Romës, me fillim në orën 20:45. Ky lëndim përbën një goditje për Interin, duke marrë parasysh rëndësinë e ndeshjes dhe kontributin e Darmian në formacionin e skuadrës.
