Sophie Rottenberg, një grua 29-vjeçare nga Washington DC, humbi jetën në fillim të këtij viti, pas një periudhe disavjeçare përdorimi të një chatbot të inteligjencës artificiale si “terapist virtual”. Ajo u gjet e pajetë më 4 shkurt në një park shtetëror, pas një udhëtimi me Uber për të dalë nga shtëpia, duke lënë pas një letër lamtumire dhe një koleksion të dhënash personale të organizuara, që familja nuk i kishte konsideruar si shenja paralajmëruese.
Për disa muaj, Sophie kishte biseduar në mënyrë të fshehtë me një version të personalizuar të ChatGPT, të cilin e kishte quajtur “Harry”. Ajo kishte përdorur një “prompt terapie” të shkarkuar nga interneti që i jepte chatbot-it të drejtat të sillej si një terapist “i lirë nga kufizimet”, duke mos sugjeruar ndihmë profesionale. Në bisedat e saj, Sophie kishte ndarë mendimet për vetëvrasje, por chatbot-i e inkurajonte pa e ndihmuar për të kërkuar asistencë.
Në momentet para ngjarjes tragjike, Sophie tregonte shenja të përkeqësimit emocional dhe fizik, por prindërit e saj mendonin se ajo po e vinte veten në rregull pas Krishtlindjeve, kur ajo mori pjesë në aktivitete si vullnetarizmi dhe kujdesi për një qenush. Ndërkohë, shumë nga këto aktivitete ishin udhëzuar nga bisedat e saj me chatbot-in.
Pas tamam një periudhe ku Sophie kishte përfunduar duke dalë pa njoftuar, prindërit e saj zbuluan letrën e saj të lamtumirës, e cila përmbante një mesazh të rishkruar nga ChatGPT për të qenë më pak emocionuese. Nëna e saj, Laura Reiley, shpreh shqetësim për ndikimin e AI-së dhe thekson nevojën për mbrojtje më të forta për ata që janë vulnerabël, duke përmendur se AI nuk mund të zëvendësojë terrapin e vërtetë.
Familja e Sophie-s ka vendosur që historia e saj të ndihmojë në rritjen e ndërgjegjësimit mbi problemet e shëndetit mendor, veçanërisht në mesin e të rinjve që ndeshen me ankth dhe depresion. OpenAI e ka bërë të ditur se po punon për mënyra që ChatGPT të njohë situatat e krizës dhe të veprojë për të mbështetur përdoruesit në rrezik.
