LUSHNJE– Një operacion i zhvilluar sot nga Policia në Lushnje ka ngjallur shqetësim tek kalimtarët. Sipas një videoje të publikuar nga JOQ, shënjestra e ndërhyrjes ka qenë një qytetar i moshuar që po lëvizte me makinë. Në pamje duket se dy efektivë godasin shoferin me grushta dhe përpiqen ta nxjerrin duke e tërhequr zvarrë.
Ngjarja ka ndodhur në mes të rrugës dhe pranë disa qytetarëve të tjerë. Deri tani, Policia nuk ka dhënë asnjë shpjegim për shkakun e ndërhyrjes dhe arsyet e veprimeve të saj ndaj qytetarit, dhe autoritetet ende nuk kanë komentuar zyrtarisht për incidentin.
