LEZHË- Një incident është regjistruar ditën e sotme në Lezhë. Policia ka qëlluar me armë zjarri në drejtim të një automjeti që nuk i ndaloi postbllokut të bluve.
Ngjarja ka ndodhur në aksin Lezhë- Milot, në afërsi të fshatit Gajush. Sipas informacioneve, nuk ka persona të lënduar nga incidenti, ndërsa raportohet se është arrestuar drejtuesi i mjetit në fjalë. I riu dyshohet se po lëvizte pa patentë dhe kjo është arsyeja pse nuk ka ndaluar.
