Dolly Parton, ylli legjendar i muzikës amerikane, ka lëshuar një mesazh qartë për fansat e saj, duke konfirmuar se është gjallë dhe duke përgënjeshtruar thashethemet mbi shëndetin e saj. Në një video të shpërndarë në rrjetet sociale, ajo thotë: “Nuk kam vdekur ende!” Ajo bëri këtë deklaratë pas kërkesës së motrës së saj, Frida Parton, që fansat të luten për shëndetin e saj, e cila shprehu besimin tek fuqia e lutjeve.
Në moshën 79 vjeçare, Parton së fundmi anuloi gjashtë koncerte në Las Vegas, të planifikuara për dhjetor, duke i riprogramuar ato për në shtator 2026. Pas këtij vendimi, filluan thashethemet për shëndetin e saj. Në video, dolly buzëqeshte dhe punonte, duke përmendur se nuk është e sëmurë dhe po vazhdon të punojë fort.
Ajo theksoi se, megjithëse ka disa çështje shëndetësore, nuk ka asgjë serioze dhe se ka ndier nevojën të anulojë disa angazhime për t’u kujdesur për shëndetin e saj pas vdekjes së bashkëshortit. “Nuk është asgjë serioze, por më është dashur të anuloj disa gjëra në mënyrë që të mund të qëndroja më afër shtëpisë sime,” tha ajo.
Përveç koncerteve, Parton anuloi gjithashtu pjesëmarrjen në ceremoninë nderuese të Oscar më 17 nëntor, ku ishte e programuar të këndonte. Ajo shprehu mirënjohjen për lutjet e fansave dhe theksoi se vetë ishte një person besimtar, duke u siguruar se fansat e saj e dinë se është mirë.
Dolly Parton, një ikone e kulturës amerikane, vazhdon të jetë aktive dhe optimiste për të ardhmen, duke e inkurajuar publikun të mos e interpretojë situatën e saj shëndetësore në mënyrë alarmante.
