Papa Leone XIV u takua këtë të enjte me Presidentin turk Rexhep Tajip Erdogan në Kompleksin Presidencial të Ankarasë, në një ceremoni zyrtare që përfshinte nderime ushtarake dhe prani të zyrtarëve të lartë të shtetit. Të dy udhëheqësit shkuan drejt zonës së ceremonisë, ku u luajtën himnet kombëtare të Turqisë dhe Vatikanit, të shoqëruara nga shtëna topash.
Pas kësaj, u bë prezantimi i delegacioneve, në të cilin Erdogan dhe Papa Leone XIV paraqitën anëtarët e ekipeve të tyre. Ceremonia vazhdoi me një raund bisedimesh private mes dy delegacioneve, në kuadër të vizitës zyrtare të Atit të Shenjtë në Turqi. Në takim morën pjesë figura të rëndësishme si Zëvendëspresidenti turk Cevdet Yılmaz, ministri i Jashtëm Hakan Fidan, dhe ministri i Kulturës dhe Turizmit Mehmet Nuri Ersoy, mes të tjerëve.
Më tej, Papa Leone XIV pritet të vizitojë qytetin e lashtë të Nikeas (Iznik) të premten, për të përkujtuar 1700-vjetorin e Koncilit të famshëm që përcaktoi parimet e besimit të krishterë. Kredoja e Nikias, e miratuar në këtë koncil, vazhdon të jetë thelbësore për doktrinën e shumicës së katolikëve, ortodoksëve dhe protestantëve në ditët e sotme.
Kjo vizitë ishte një dëshirë e Papa Françeskut, i cili nuk mundi ta realizonte këtë udhëtim për shkak të problemeve të shëndetit. Papa Leone XIV u zgjodh në prill, pas ndarjes nga jeta të Françeskut, duke vazhduar kështu këtë traditë të rëndësishme për marrëdhëniet mes Kishës Katolike dhe Turqisë.
Ceremonitë dhe takimet e tilla ndihmojnë në forcimin e marrëdhënieve diplomatikë dhe kulturorë mes dy vendeve, ndërsa përkujtojnë gjithashtu ngjarje historike që kanë ndikuar në evolucionin e besimeve të ndryshme.
