Superylli i muzikës botërore, Celine Dion, ka njoftuar rikthimin e saj në skenë pas një periudhe të gjatë pauze për shkak të problemeve shëndetësore. Në një video të publikuar për fansat, këngëtarja 58-vjeçare shprehu optimizmin për gjendjen e saj shëndetësore dhe njoftoi se do të rikthehet me një seri koncertesh në Paris, duke filluar nga muaji shtator.
Celine theksoi se ndihet mirë dhe e fortë, duke theksuar se edhe në momentet më të vështira kishte ndier mbështetje dhe dashuri nga fansat e saj. Ajo shprehu emocionet dhe mirënjohjen për besimin dhe lutjet që ka marrë gjatë këtyre viteve, duke i nënkuptuar se kjo mbështetje i ka dhënë forcë për të vazhduar.
Përveç rikthimit në skenë, Dion do të publikojë një këngë të re, e cila është realizuar nga kompozitori i njohur Jean-Jacques Goldman, një emër i njohur për hite të saj të mëparshme. Rikthimi i saj ndodh më shumë se gjashtë vite pas ndalimit të aktiviteteve të saj artistike. Turneu “Courage World Tour”, i nismuar në vitin 2019, u anulua për shkak të pandemisë Covid-19 dhe më pas për shkak të diagnozës së saj të “Stiff Person Syndrome”, një çrregullim autoimun të rrallë.
Megjithatë, Celine Dion ka treguar vendosmëri për t’u rikthyer në skenë. Në vitin 2024, ajo u rikthye simbolikisht duke performuar nga Kulla Eiffel, në ceremoninë e hapjes së Lojërave Olimpike në Paris. Ky rikthim është një moment i rëndësishëm për Dion dhe fansat e saj, me shumë që presin të shohin përformancën e saj në Paris gjatë vjeshtës.
