Një shpërthim i fuqishëm ka ndodhur mbrëmjen e djeshme në Campo Ascolano, afër Romës, si pasojë e një pajisjeje shpërthyese të vendosur nën makinën e gazetarit dhe prezantuesit të emisionit investigativ “Report”, Sigfrido Ranucci. Ngjarja ndodhi rreth orës 22:00 dhe shkaktoi dëme të konsiderueshme në mjetin e Ranucci-t dhe në makinën tjetër të familjes, si dhe në fasadën e banesës së tyre. Fatmirësisht, nuk ka pasur të lënduar.
Programi “Report” njoftoi se shpërthimi ishte aq i fuqishëm sa mund të kishte shkaktuar viktima nëse dikush do të ishte në afërsi. Ranucci, duke folur për gazetën Corriere della Sera pas orës 2 të mëngjesit, theksoi se vajza e tij kishte parkurar makinën vetëm 20 minuta para shpërthimit dhe shprehu frikën se sulmi mund të ishte lidhur me hetimet e reja që programi kishte paralajmëruar publikisht disa ditë përpara incidentit.
Në vendngjarje kanë mbërritur forcat e Karabinierëve, zjarrfikësit dhe ekipi i hetimeve mjeko-ligjore. Zyra e prokurorit lokal ka nisur hetimin dhe Prefekti i zonës është njoftuar për rastin. Sipas Ranucci-t, janë përdorur të paktën një kilogram eksploziv në shpërthim.
Ky incident ka shkaktuar reagime të fuqishme në Itali, duke sjellë përsëri në vëmendje rreziqet që ballafaqohen gazetarët investigativë në punën e tyre. Ngjarja ka ngritur shqetësime të mëdha për sigurinë e profesionistëve që hetimin mbi çështje të ndjeshme dhe të rrezikshme.
